corona: देश म बीते 24 घंटा म बाढ़ गे कोरोना के 78 हजार ले जादा नवा मामला, 1045 लोगन मन के हो गे मौत

जय जोहार। देश म कोरोना (corona) संक्रमित मन के संख्या ह कम होय के नाम नई लेवत हे। बीते 24 घंटा म कोरोना के 78 हजार ले जादा नवा मामला सामने आय हे। जबकि 1045 लोगन मन के मौत हो गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म पिछिले 24 घंटा म कोरोना (corona) के 78357 नवा मामला मिले हे। एखर संग देश म कोरोना संक्रमित मन के संख्या ह 37 लाख 69 हजार 524 पहुंच गे हे।

जेमा ले 8 लाख 1 हजार 282 एक्टिव मामला हे। उहचे 29 लाख 1 हजार 909 लोगन मन ह कोरोना (corona) ल मात दे दे हे, जेखर बाद ओ मन डिस्चार्ज कर दे गे हे। ए वायरस ले देश म अब त 66333 लोगन मन के मौत हो गे हे।