corona: सरलघा बाढ़त जावत हे कोरोना, देश म बीते 24 घंटा म बाढ़ गे 78 हजार ले जादा नवा मरीज

जय जोहार…. देश म कोरोना (corona) संक्रमित मरीज मन के संख्या ह कम होय के नाम नई लेवत हे। देश म सरलघा दूसर दिन रिकॉर्ड 78512 नवा मामला सामने आय हे।

उहचे बीते 24 घंटा में 60868 लोगन मन ल बने होय के बाद डिस्चार्ज कर दे गे हे। जबकि 971 लोगन मन के मौत हो गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म कोरोना (corona) मरीज मन के कुल संख्या ह 36 लाख 21 हजार 246 पहुंच गे हे। जेमा ले 7 लाख 81 हजार 975 एक्टिव मामला हे।

उहचे 27 लाख 74 हजार 802 लोगन मन ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर द गे हे। (corona) ए वायरस ले देश म अब तक 64469 लोगन मन के जान चले गे हे।