corona : प्रदेस म आज मिले हे कोरोना के 8 नवा मामला, रईपुर म घलो 2 पॉजिटिव
जय जोहार… (corona) प्रदेस म आज कोरोना के 8 नवा मरीज के पहिचान होय हे। उहें 20 मरीज ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे।
प्रदेस म आज जेन कोरोना (corona) के नवा मरीज मिले हे, ओमा दुर्ग ले 2, रईपुर ले 2, रायगढ़ ले 2, बस्तर ले 1, कांकेर ले 1 नवा मरीज सामिल हे।
बता देन कि प्रदेस म कोरोना (corona) संक्रमित मरीज मन के संख्या 10 लाख 05 हजार 387 हो गे हे, जेमा ले 265 एक्टिव मामला हे। उहें 9 लाख 91 हजार 556 मरीज ल बने होय के बाद अस्पताल ले छुट्टी दे दे गे हे, ए वायरस ले प्रदेस म अब तक 13566 मरीज के जान चले गे हे।
