Corona: देश म बीते 24 घंटा म सामने आय हे 8 हजार ले जादा नवा मामला, पढ़व

जय जोहार…. देश म बीते 24 घंटा म कोरोना (Corona) के 8 हजार ले जादा नवा मरीज ह सामने आय हे। जबकि इलाज के दौरान 94 मरीज मन के मौत हो गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म बीते 24 घंटा म कोरोना के 8635 नवा मरीज मिले हे। एला मिला के कोरोना संक्रमण के मामला ह बाढ़ के 1 करोड़ 07 लाख 66 हजार 245 हो गे हे। जेमा ले 1 लाख 63 हजार 353 एक्टिव मामला हे।

उहचे 1 करोड़ 04 लाख 48 हजार 406 लोगन मन ह कोरोना ले जंग जीत गे हे, जेखर बाद ओ मन ल अस्पताल ले छुट्‌टी दे दे गे हे। ए वायरस ले देश म अब तक 1 लाख 54 हजार 486 संक्रमित मन के मौत हो गे हे।