लोकसभा चुनाव ले पहिली आठ टन विस्फोटक बरामद

नक्सली मन ल सप्लाई के आशंका

रायपुर. लोकसभा चुनाव ले पहिली सुरक्षा बल मन ह एक बड़का साजिश ल नाकाम बना दिस हे. कवर्धा म आठ टन विस्फोटक बरामद करे गिस. विस्फोटक ले भरे ट्रक ल सुरक्षाबल ह जब्त घलो कर लिस हे. पुलिस ह मामला के जांच सुरू कर दे हे. बताय जात हे के ट्रक जंगल के रास्ता बेरला ले प्रयागराज जात रिहिस हे. आशंका जताय जात हे के, नक्सली मन ल सप्लाई करे बर विस्फोटक ले जाय जात रिहिस हे.

कवर्धा के कुदकुर पुलिस थाना पुलिस ह ये कार्रवाई ल अंजाम दिस हे. मिले म लोकसभा चुनाव के तहत करे जात चेकिंग के दउरान पुलिस ह विस्फोटक ले भरे ट्रक ल जब्त करिस. ट्रक ड्राइवर ले पूछताछ के जात हे, लेकिन अब तक
विस्‍फोटक मन ल ले के ठोस जानकारी हासिल नइ हो सकिस हे. पुलिस विस्फोटक लाए जाए के स्थान म जा के जांच के तइयारी करे जात हे.

बता दन के, कवर्धा म पाछु कुछु महीना म नक्सली गतिविधि मन बढ़िस हे. नक्सली चुनाव के बहिष्कार ल लेके ग्रामीन मन ल लगातार धमकी देवत हे. अइसे म बड़का पइमाना म विस्फोटक पकड़े जाए के नक्सली मन ले जोड़ के घलो देखे जात हे.