Corona: छत्तीसगढ़ म देर रात कोरोना के 81 नवा मरीज के होइस पहचान, एक्टिव मामला ह बाढ़ के 2884

जय जोहार…. राज्य म गुरुवार देर रात कोरोना (corona) के अउ 81 नवा मरीज ह मिले हे। एखर संग गुरुवार के प्रदेश म कोरोना के कुल 256 नवा मामला के पहचान होय हे।

उहचे 285 मरीज मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। जबकि इलाज के दौरान एक मरीज के मौत हो गे हे।

गुरुवार देर रात जेन कोरोना (corona) के नवा मरीज मिले हे, ओमा जांजगीर-चांपा ले 17, कवर्धा ले 16, कोरिया अउ रायपुर ले 11-11, सरगुजा ले 7, रायगढ़ ले 5, बिलासपुर अउ सूरजपुर ले 4-4, दुर्ग अउ महासमुंद ले 2-2, कोरबा अउ जशपुर ले 1-1 मरीज शामिल हे।

बता देन कि राज्य म कोरोना (corona) संक्रमण के मामला ह बाढ़ के 8856 पहुंच गे हे। जेमा ले 2884 एक्टिव मामला हे।

उहचे 5921 लोगन मन ल बने होय के बाद डिस्चार्ज कर दे गे हे। ए वायरस ले प्रदेश म अब तक 51 लोगन मन के जान चले गे हे।