corona: प्रदेस म बीते 24 घंटा म सामने आय हे कोरोना के 82 नवा मरीज, पढ़व
जय जोहार… (corona) प्रदेस म बीते 24 घंटा म कोरोना के 82 नवा मरीज सामने आय हे। उहें 137 मरीज ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गेहे। जबकि इलाज के दउरान 2 मरीज के मउत हो गेहे।
प्रदेस म जेन कोरोना (corona) के नवा मरीज मिले हे, ओमा दुर्ग ले 7, राजनांदगांव ले 1, बालोद ले 1, बेमेतरा ले 1, कबीरधाम ले 15, रईपुर ले 13, धमतरी ले 8, बलौदाबाजार ले 1, गरियाबंद ले 1, बिलासपुर ले 5, कोरबा ले 6, मुंगेली ले 2, गौरेला-पेंड्रा-मरवाही ले 6, कोरिया ले 4, बस्तर ले 3, कोंडागांव ले 1, दंतेवाड़ा ले 1, नारायणपुर ले 6 नवा मरीज सामिल हे।
बता देन कि प्रदेस म कोरोना (corona) संक्रमित मरीज मन के संख्या 11 लाख 51 हजार 425 होगे हे, जेमा ले 831 एक्टिव मामला हे। उहें 11 लाख 36 हजार 562 मरीज ल बने होय के बाद अस्पताल ले छुट्टी दे दे गे हे, ए वायरस ले प्रदेस म अब तक 14032 मरीज के जान चले गेहे।
