corona: प्रदेश म फेर कोरोना के 82 नवा मरीज के होइस पहचान, 46 मरीज मन ह जीतिस कोरोना ले जंग, होइस डिस्चार्ज

जय जोहार। प्रदेश म कोरोना (corona) संक्रमित मरीज मन के संख्या ह सरलघा बाढ़त जात हे। राज्य म गुरुवार के 82 नवा कोरोना (corona) पाजिटिव के पहचान होय हे। ऊहचे प्रदेश के अलग-अलग कोविड अस्पताल ले 46 संक्रमित मन ह कोरोना ले जंग जीत गे हे। जेखर बाद ओ मन ल डिस्चार्ज कर दे गे हे।

आज जेन नवा मरीज मिले हे, ओमा बलरामपुर जिला ले 22, बलौदाबाजार ले 12, जांजगीर-चांपा अऊ रायपुर ले 11-11, दुर्ग ले 9, राजनांदगांव ले 8, बिलासपुर ले 4, कोरिया ले 3 अऊ कोरबा ले 2 मरीज शामिल हे।

बता देन कि प्रदेश म कुल कोरोना (corona) संक्रमित मरीज मन के संख्या ह 1948 हो गे हे। जबकि सक्रिय मरीज मन के संख्या ह 735 हे। अब तक 1202 मरीज मन ह स्वस्थ हो के अपन घर लहुट चुके हे।