Corona: देश म पिछिले 24 घंटा म बाढ़ गे 82 हजार ले जादा नवा मामला, अब तक 1040 लोगन मन के होगे मौत

जय जोहार…. देश म कोरोना (corona) संक्रमित मरीज मन के संख्या ह सरलघा बाढ़त जावत हे। देश म बीते 24 घंटा म 82 हजार ले जादा नवा मरीज मिले हे। उहचे 74679 लोगन मन ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 1040 लोगन मन के मौत हो गे हे।

केन्द्रीय स्वास्थ्य मंत्रालय ले जारी आंकड़ा के अनुसार देश म पिछिले 24 घंटा म कोरोना (corona) के 82170 नवा मामला के पहचान होय हे। एला मिला के देश म कोरोना संक्रमण के मामला ह बाढ़ के 60 लाख 73 हजार 348 पहुंच गे हे। जेमा ले 9 लाख 62 हजार 640 एक्टिव मामला हे।

उहचे 50 लाख 16 हजार 521 लोगन मन ह कोरोना (corona) ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 95542 लोगन मन के मौत हो गे हे।