corona: देश म बीते 24 घंटा म होय हे 82 हजार नवा मरीज के पहचान, 1026 लोगन मन के हो गे मौत

जय जोहार…. देश म कोरोना (corona) संक्रमित मरीज मन के संख्या ह सरलघा बाढ़त जावत हे। पिछिले 24 घंटा म कोरोना के रिकॉर्ड 82 हजार ले जादा नवा मामला ल दर्ज करे गे हे।

उहचे 67874 लोगन मन ल बने होय के बाद डिस्चार्ज कर दे गे हे। जबकि 1026 लोगन मन के मौत हो गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म बीते 24 घंटा म कोरोना (corona) के 82860 नवा मरीज मिले हे। एला मिला के देश म कोरोना संक्रमित मन के कुल संख्या ह 38 लाख 48 हजार 968 पहुंच गे हे।

जेमा ले 8 लाख 13 हजार एक्टिव मामला हे। उहचे 29 लाख 67 हजार 396 लोगन मन ह कोरोना (corona) ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले अब तक देश म 67486 लोगन मन के मौत हो गे हे।