corona : प्रदेस म आज मिले हे कोरोना के 83 नए मरीज, रईपुर म घलो 3 पॉजिटिव
जय जोहार… (corona) प्रदेस म आज कोरोना के 83 नवा मामला के पहिचान होय हे। उहें 144 मरीज ह कोरोना ले जंग जीत गे हे, जेखर बाद ओ मन ल अस्पताल ले छुट्टी दे दे गे हे। जबकि इलाज के दउरान 1 मरीज के मउत हो गेहे।
प्रदेस म आज जेन कोरोना (corona) के नवा मरीज मिले हे, ओमा दुर्ग ले 2, राजनांदगांव ले 1, बेमेतरा ले 1, कबीरधाम से 2, रईपुर ले 3, धमतरी ले 2, महासमुंद ले 2, गरियाबंद ले 1, बिलासपुर ले 6, रायगढ़ ले 7, कोरबा ले 9, जांजगीर-चांपा ले 11, सरगुजा ले 1, कोरिया ले 1, बलरामपुर ले 1, जशपुर ले 9, बस्तर ले 5, कोंडागांव ले 5, दंतेवाड़ा ले 1, सुकमा ले 3, कांकेर ले 3, नारायणपुर ले 1, बीजापुर ले 6 नवा मरीज सामिल हे।
बता देन कि प्रदेस म कोरोना (corona) संक्रमित मरीज मन के संख्या 10 लाख 03 हजार 697 हो गे हे, जेमा ले 1 हजार 361 एक्टिव मामला हे। उहें 9 लाख 88 हजार 790 मरीज ल बने होय के बाद अस्पताल ले छुट्टी दे दे गे हे, ए वायरस ले प्रदेस म अब तक 13546 मरीज के जान चले गे हे।
