जय जोहार… (corona) प्रदेस म आज कोरोना के 83 नवा मामला के पहिचान होय हे। उहें 148 मरीज ह कोरोना ले जंग जीत गे हे, जेखर बाद ओ मन ल अस्पताल ले छुट्टी दे दे गे हे। जबकि इलाज के दउरान 1 मरीज के जान चले गे हे
प्रदेस म आज जेन कोरोना (corona) के नवा मरीज मिले हे, ओमा दुर्ग ले 1, राजनांदगांव ले 1, कबीरधाम ले 1, रईपुर ले 4, धमतरी ले 2, बलौदाबाजार ले 4, महासमुंद ले 2, बिलासपुर ले 6, रायगढ़ ले 2, कोरबा ले 3, जांजगीर-चांपा ले 8, मुंगेली ले 1, सरगुजा ले 1, कोरिया ले 6, बलरामपुर ले 1, जशपुर ले 5, बस्तर ले 16, कोंडागांव ले 3, दंतेवाड़ा ले 3, सुकमा ले 5, कांकेर ले 6, बीजापुर ले 2 नवा मरीज सामिल हे।
बता देन कि प्रदेस म कोरोना (corona) संक्रमित मरीज मन के संख्या 10 लाख 03 हजार 439 हो गे हे, जेमा ले 1 हजार 557 एक्टिव मामला हे। उहें 9 लाख 88 हजार 337 मरीज ल बने होय के बाद अस्पताल ले छुट्टी दे दे गे हे, ए वायरस ले प्रदेस म अब तक 13545 मरीज के जान चले गे हे।
