जय जोहार…. प्रदेश म कोरोना (corona) संक्रमण के मामला ह कम होय के नाम नई लेवत हे। प्रदेश म गुरुवार के शाम सात बजे तक कोरोना के 837 नवा मरीज के पहचान होय हे। उहचे 730 मरीज मन ल बने होय के बाद अस्पताल ले छुट्टी दे दे गे हे। जबकि इलाज के दौरान 13 लोगन मन के मौत हे गे हे।
आज जेन कोरोना (corona) के नवा मरीज मिले हे, ओमा रायपुर ले 300, जांजगीर-चांपा ले 112, राजनांदगांव ले 92, गरियाबंद ले 69, बिलासपुर ले 64, महासमुंद ले 53, कोरिया ले 32, दुर्ग ले 31, रायगढ़ ले 21, धमतरी ले 17, कबीरधाम ले 14, बालोद ले 13, बस्तर ले 6, मुंगेली अऊ सरगुजा ले 4-4, आन राज्य ले 2, बेमेतरा, बलौदाबाजार अऊ कोण्डागांव ले 1-1 मरीज शामिल हे।
बता दन कि राज्य म कोरोना (corona) संक्रमित मन के संख्या ह 36520 पहुंच गे हे। जेमा ले 17258 एक्टिव मामला हे। उहचे 18980 लोगन मन ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले प्रदेश म अब तक 312 लोगन मन के जान चले गे हे।
