भारत म सरलघा बाढ़त जात ह कोरोना के मरीज, 24 घंटा म आय हे 8380 नवा मामले

जय जोहार…. भारत म कोरोना वायरस के मामले ह थमे के नाम नई लेवत हे। पिछले 24 घंटा म कोरोना संक्रमण के 8380 नवा मामले मिले हे। जबकि 193 लोगन मन के जान चले गे हे। एखर संग देश म कोरोना संक्रमित मन के संख्या ह 1 लाख 82 हजार 142 ले जियादा हो गे हे। स्वास्थ्य मंत्रालय के आकड़ो के मुताबिक देश म कोरोना सक्रिय केस ह 89995 हे। कोरोना ले अब तक 5164 लोगन मन के मौत हो गे हे। ऊहचे 86983 लोगन मन ह स्वस्थ हो गे हे।

जानकारी के मुताबिक कोरोना वायरस ले सबले जियादा महाराष्ट्र प्रभावित हे। इहां 24 घंटा म 2940 नवा मामले सामने आय हे। जबकि 99 लोगन मन के जान चले गे हे। राज्य म कोरोना संक्रमित मन के कुल संख्या ह 65 हजार 168 हो गे हे। एखर बाद गुजरात म 1007, मध्यप्रदेश म 343, दिल्ली म 416, पश्चिम बंगाल म 309, उत्तर प्रदेश म 201, राजस्थान म 193, तमिलनाडु म 160 नवा मामले सामने आय हे।