रायपुर। छत्तीसगढ़ सरकार के रामलला दर्शन योजना के तहत आज राजनांदगांव रेलवे स्टेशन ले भारत गौरव स्पेशल ट्रेन अयोध्या धाम बर रवाना होइस। ए ट्रेन ले 850 श्रद्धालु रामलला के दर्शन बर रवाना होइस, जिहां ओमन ल रामलला के संग- संग काशी विश्वनाथ के दर्शन के घलो सौभाग्य प्राप्त होहि। राज्य शासन ह यात्री मन बर आए-जाए, रहे-खाए, रुके अउ चिकित्सा जइसन जम्मो सुविधा निःशुल्क प्रदान करिन हे।
छत्तीसगढ़ टूरिज्म बोर्ड के अध्यक्ष नीलू शर्मा, श्रम कल्याण आयोग के अध्यक्ष योगेश दत्त, राजनांदगांव महापौर मधुसूदन यादव, जिला पंचायत उपाध्यक्ष किरण रवींद्र अउ खूबचन्द पारख ह संयुक्त रूप ले हरा झंडी दिखाके ट्रेन ल रवाना करिन। अतिथी मन ह श्रद्धालु मन के फूलमाला पहिनाके स्वागत करिन अउ तीर्थयात्रा ल बधाई अउ शुभकामनाएं दिन।
ट्रेन के दुर्ग स्टेशन पहुंचे म तीर्थयात्री मन के जोरदार स्वागत करे गिस। यात्रा म शामिल एक बुजुर्ग श्रद्धालु रामू साहू ह कहिन कि राज्य सरकार के ए प्रयास सराहनीय हे। निःशुल्क सुविधा के संग रामलला अउ काशी विश्वनाथ के दर्शन के अवसर मिलना हमर बर जीवन के सबले बड़का आशीर्वाद हे।
धान के फसल ले संवरत हे भविष्य
मुख्यमंत्री से एथलीट प्रतिभागियों ने की मुलाकात
