Balodabazar जिला म मिले हे कोरोना के 86 नवा मरीज, 8 मरीज मन ह जीतिस कोरोना ले जंग

जय जोहार…. बलौदाबाजार (Balodabazar) जिला म कोरोना संक्रमण के मामला ह सरलघा बाढ़त जावत हे। ए जिला म आज कोरोना के 86 नवा मरीज के पहचान होय हे। उहचे 8 मरीज मन ह कोरोना ले जंग जीत गे हे, जेखर बाद ओ मन ल अस्पताल ले छुट्टी दे दे गे हे।

(Balodabazar) जिला के सीएमएचओ डॉ सोनवानी ह बताईस कि आज जेन कोरोना के नवा मरीज मिले हे, ओमा कसडोल विकासखण्ड ले 46, पलारी विकासखण्ड ले 10, भाटापारा ले 8, बिलाईगढ़ ले 6, बलौदाबाजार ले 4, सिमगा ले 3 अऊ जिला अस्पताल ले 6 मरीज मिले हे।

बता दन कि ए (Balodabazar) जिला म कोरोना संक्रमित मन के संख्या ह बाढ़ के 3593 पहुंच गे हे। जेमा ले 1721 एक्टिव मामला हे। उहचे 1829 लोगन मन ह बने होय के बाद अपन घर लहुट चुके हे।