Corona : देश म बीते 24 घंटा म मिले हे कोरोना के 86 हजार ले जादा नवा मामला

जय जोहार…. देश म कोरोना (corona) संक्रमित मन के संख्या ह सरलघा बाढ़त जावत हे। देश म पिछिले 24 घंटा म 86 हजार ले जादा नवा मामला मिले हे।

उहचे 61 मरीज मन ह कोरोना ले जंग जीत ले हे, जेखर बाद ओ मन ल अस्पताल ले डिस्चार्ज कर दे गे हे। जबकि इलाज के दौरान 1124 लोगन मन के मौत हो गे हे।

बता दन कि देश म पिछिले 24 घंटा म कोरोना के 86052 नवा मामला मिले हे। एला मिला के देश म कोरोना (corona) संक्रमित मन के संख्या ह बाढ़ के 58 लाख 18 हजार 571 पहुंच गे हे। जेमा ले 9 लाख 70 हजार 116 एक्टिव मामला हे।

उहचे 47 लाख 56 हजार 165 मरीज मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 92290 लोगन मन के मौत हो गे हे।