corona : सरलघा बाढ़त जावत हे कोरोना, देश म बीते 24 घंटा म 86 हजार ले जादा नवा मामला, 1089 लोगन मन के हो गे मौत

जय जोहार…. देश म कोरोना (corona) संक्रमित मरीज मन के संख्या ह कम होय के नाम नई लेवत हे। देश म बीते 24 घंटा म कोरोना के रिकॉर्ड 86 हजार ले जादा नवा मरीज मन के पहचान होय हे। जबकि 1089 लोगन मन के मौत हो गे हे।

केन्द्रीय स्वास्थ्य मंत्रालय ले जारी आंकड़ा के मुताबिक देश म पिछिले 24 घंटा म कोरोना (corona) के 86432 नवा मामला मिले हे। एखर संग कोरोना संक्रमित मन के संख्या ह 40 लाख 23 हजार 179 पहुंच गे हे। जेमा ले 8 लाख 46 हजार 395 एक्टिव मामला हे।

उहचे 31 लाख 7 हजार 223 मरीज मन ह कोरोना (corona) ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 69561 लोगन मन के जान चले गे हे।