corona: देश म बीते 24 घंटा म होय हे 86 हजार ले जादा नवा मामला के पहचान, पढो पूरा खबर

जय जोहार…. देश म कोरोना (corona) संक्रमित मन के संख्या ह कम होय के नाम नई लेवत हे। देश म पिछिले 24 घंटा म कोरोना के 86 हजार ले जादा नवा मामला के पहचान होय हे।

उहचे 87458 लोगन मन ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 1129 लोगन मन के मौत हो गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म बीते 24 घंटा म 86508 नवा मामला मिले हे। एला मिला के देश म कोरोना (corona) संक्रमण के मामला ह बाढ़ के 57 लाख 32 हजार 519 हो गे हे। जेमा ले 9 लाख 66 हजार 382 एक्टिव मामला हे।

उहचे 46 लाख 74 हजार 988 लोगन मन ह कोरोना (corona) ल मात दे दे हे, जेखर बाद ओ मन ल अस्पताल ले छुट्टी दे दे गे हे। ए वायरस ले देश म अब तक 91149 लोगन मन के मौत हो गे हे।