Corona: देश म बीते 24 घंटा म मिले हे 86 हजार ले जादा नवा मरीज, पढो पूरा खबर

जय जोहार…. देश म कोरोना (Corona) संक्रमित मन के संख्या ह कम होय के नाम नई लेवत हे। देश म पिछिले 24 घंटा म कोरोना के 86 हजार ले जादा नवा मामला सामने आय हे। उहचे इलाज के दौरान 1181 लोगन मन के मौत हो गे हे।

केंद्रीय स्वास्थ्य मंत्रालय ले जारी आंकड़ा के अनुसार देश म बीते 24 घंटा म कोरोना के 86821 नवा मामला मिले हे। एला मिला के देश म कोरोना (Corona) संक्रमित मन के संख्या ह 63 लाख 12 हजार 585 पहुंच गे हे। जेमा ले 9 लाख 40 हजार 705 एक्टिव मामला हे।

(Corona) उहचे 52 लाख 73 हजार 202 लोगन मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 98768 लोगन मन के मौत हो गे हे।