Corona: राज्य म देर रात मिलिस कोरोना के 88 अउ नवा मरीज
जय जोहार…. छत्तीसगढ़ म गुरुवार देर रात कोरोना (corona) के 88 अउ नवा मरीज के पुष्टि होय हे। एखर संग आज दिन भर म कोरोना संक्रमण के कुल 483 मामला मिले हे।
आज देर रात जेन कोरोना (corona) के 88 नवा मरीज मिले हे, ओमा बिलासपुर ले 28, बस्तर ले 22, रायपुर ले 19, कोंडागांव ले 9, कांकेर ले 8 अउ सुकमा ले 2 मरीज शामिल हे।
बता देन कि प्रदेश म कोरोना (corona) संक्रमण के कुल मामला ह बाढ़ के 11020 पहुंच गे हे। जेमा ले एक्टिव मामला 2855 हे।
उहचे 8088 लोगन मन ह बने होय के बाद अपन घर लहुट चुके हे। ए वायरस ले प्रदेश म अब तक 77 लोगन मन के जान चले गे हे।