Corona: देश म बीते 24 घंटा म सामने आय हे कोरोना के 88 हजार ले जादा नवा मामला, 1124 लोगन मन के हो गे मौत

जय जोहार…. देश म कोरोना (Corona) संक्रमित मन के संख्या ह तेजी ले बाढ़त जावत हे। देश म बीते 24 घंटा म कोरोना के 88 हजार ले जादा नवा मामला ह सामने आय हे।

उहचे 92359 मरीज मन ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 1124 लोगन मन के मौत हो गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म पिछिले 24 घंटा म कोरोना (corona) के 88759 नवा मरीज मिले हे। एला मिला के देश म कोरोना संक्रमण के मामला ह बाढ़ के 59 लाख 90 हजार 581 पहुंच गे हे।

जेमा ले 9 लाख 56 हजार 511 एक्टिव मामला हे। उहचे 49 लाख 38 हजार 688 लोगन मन ह कोरोना (Corona) ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 94534 लोगन मन के मौत हो गे हे।