Corona: 89 साल के बुजुर्ग ह जीतिस कोरोना ले जंग, एम्स ह करिन डिस्चार्ज

जय जोहार…. छत्तीसगढ़ म कोरोना (corona) ले जुड़े एक राहत भरे खबर आय हे। भिलाई के एक 89 साल के बुजुर्ग ह कोरोना ले जंग जीत गे हे। जेखर बाद सनिच्चर के एम्स ह ओला डिस्चार्ज कर दे हे। कोरोना (corona) ल मात देवइया ये प्रदेश के सबले जियादा उम्र के व्यक्ति हे।
बता देन कि 29 जून के बुजुर्ग व्यक्ति के कोरोना (corona) टेस्ट ह पाजिटिव आय रिहिस, जेखर बाद ओला अस्पताल म भर्ती करे गे रिहिस। ओला विशेषज्ञ टीम के निगरानी म रखे गे रिहिस अउ आईसीएमआर प्रोटोकॉल के अनुसार दवाई ल देत जात रिहिस। आठ जुलाई के बुजुर्ग के दूसर कोरोना टेस्ट ह निगेटिव आय रिहिस, जेखर बाद ओला अस्पताल ले छुट्टी दे के प्रक्रिया ल पूरा करे गिस।