corona: देश म बीते 24 घंटा म मिले हे कोरोना के 89 हजार ले जादा नवा मरीज, पढो पूरा खबर

जय जोहार…. देश म कोरोना (corona) संक्रमित मरीज मन के संख्या ह कम होय के नाम नई लेवत हे। पिछिले 24 घंटा म 89 हजार ले जादा नवा मामला ह सामने आय हे।

उहचे 74607 लोगन मन ल बने होय के बाद अस्पताल ले डिस्चार्ज कर दे गे हे। जबकि 1107 लोगन मन ने के मौत हो गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म बीते 24 घंटा म कोरोना (corona) के 89852 नवा मरीज मिले हे। एला मिला के देश म कोरोना संक्रमित मन के कुल संख्या ह बाढ़ के 43 लाख 67 हजार 436 पहुंच गे हे।

जेमा ले 8 लाख 96 हजार 884 एक्टिव मामला हे। उहचे 33 लाख 96 हजार 27 लोगन मन ह कोरोना (corona) ल मात दे दे हे, जेखर बाद ओ मन ल अस्पताल ले छुट्टी दे दे गे हे। ए वायरस ले देश म अब तक 73923 लोगन मन के मौत हो गे हे।