जय जोहार…. छत्तीसगढ़ म कोरोना (corona) संक्रमित मरीज मन के संख्या ह कम होय के नाम नई लेवत हे। मंगलवार के बस्तर जिला म कोरोना के 9 नवा मरीज मन के पहचान होय हे।
जानकारी के मुताबिक आज जेन कोरोना (corona) के नवा मरीज ह मिले हे, ओमा जगदलपुर विकासखण्ड के आड़ावाल ले 5 अउ बस्तर विकासखण्ड के बढ़ेकिलेपाल ले 4 मरीज शामिल हे।
जगदलपुर विकासखण्ड के आड़ावाल अउ बस्तर विकासखण्ड के बढ़ेकिलेपाल म कोरोना (corona) संक्रमित मरीज मन के मिले के बाद जिला प्रशासन अउ स्वास्थ्य विभाग के तरफ ले संक्रमित मरीज मन ल कोविड अस्पताल म भर्ती करे जाय के तैयारी चलत हे।
जगदलपुर कोविड-19 अस्पताल के प्रभारी डॉ नवीन दुल्हानी ह बताइस कि जिला म कोरोना संक्रमित कुल मरीज मन के संख्या ह बाढ़ के 469 पहुंच गे हे। जेमा ले एक्टिव मामला 46 हे। उहचे 423 मरीज मन ल बने होय के बाद डिस्चार्ज कर दे गे हे।
Other Articles
