जय जोहार…. रायपुर (raipur) के डीडी नगर थाना म सोमवार के 9 पुलिस कर्मी मन के कोरोना रिपोर्ट ह पाजिटिव पाय गे हे। एखर पहिले डीडी नगर थाना म पदस्थ 11 पुलिस कर्मी मन ह कोरोना पाजिटिव निकले रहिस।
ओखर बाद बाकी लोगन मन के टेस्ट कराय गिस। जेमा अब 9 अऊ संक्रमित पाय गे हे। पाजिटिव पाय गे पुलिस कर्मी मन ह ड्यूटी म आवत रहिस। उहचे थाना प्रभारी के रिपोर्ट ह निगेटिव आय हे।
(raipur) थाना म पदस्थ पुलिस कर्मी मन के बड़का संख्या म पाजिटिव पाय जाय के बाद थाना ल सील करे जाय के कार्रवाई करे जावत हे। अवइया आदेश तक डीडी नगर थाना के कामकाज के जिम्मा ल सरस्वती नगर अऊ पुरानी बस्ती थाना ल सौंपे गे हे।
बता दन कि राजधानी (raipur) म इतवार के कोरोना के 669 नवा मरीज मिले रहिस। इहां कोरोना संक्रमित मन के कुल संख्या ह 10976 पहुंच गे हे। जेमा ले 5623 एक्टिव मामला हे। उहचे 144 लोगन मन के जान चले गे हे।
