corona : प्रदेस म 24 घंटा म बाढ़गे कोरोना के 92 नवा मामला, रईपुर म घलो 21 संक्रमित

जय जोहार। (corona) प्रदेस म आज कोरोना के 92 नवा मरीज सामने आय हे। उहें 95 मरीज ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गेहे।

प्रदेस म जेन कोरोना (corona) के नवा मरीज मिले हे, ओमा दुर्ग ले 26, राजनांदगांव ले 3, बालोद ले 3, बेमेतरा ले 2, रईपुर ले 21, बलौदाबाजार ले 16, महासमुंद ले 3, बिलासपुर ले 11, गौरेला-पेंड्रा-मरवाही ले 1, सूरजपुर ले 2, जशपुर ले 3, कांकेर ले 1 सामिल हे।

बता देन कि प्रदेस म कोरोना (corona) संक्रमित मरीज मन के संख्या 11 लाख 53 हजार 644 होगे हे, जेमा ले 640 एक्टिव मामला हे। उहें 11 लाख 38 हजार 968 मरीज ल बने होय के बाद अस्पताल ले छुट्टी दे दे गे हे, ए वायरस ले प्रदेस म अब तक 14035 मरीज के मउत हो गेहे।