जय जोहार…. भारत म कोरोना संक्रमित मरीज मन के संख्या म सरलघा इजाफा होवत जावत हे। पिछले 24 घंटा म कोरोना के 9304 नवा मरीज के पहचान होय हे। ए दौरान भारत म ए संक्रमण के सेति 260 लोगन मन के जान चले गे हे। स्वास्थ्य मंत्रालय के ओर ले जारी डेटा के अनुसार देश म अब कुल संक्रमित मरीज के संख्या ह 2 लाख 16 हजार 919 हो गे हे। जबकि सक्रिय मामले के संख्या ह एक लाख छह हजार 737 हो गे हे। ए वायरस ले 6075 लोगन मन के मौत हो गे हे। ऊहचे एक लाख चार हजार 106 मरीज मन ह स्वस्थ होके अपन घर लहुट चुके हे।
कोरोना ले सबले जियादा प्रभावित महाराष्ट्र हे। इहां कुल कोरोना संक्रमित मरीज मन के संख्या ह करीब 75 हजार हे। अब तक 2587 लोगन मन के मौत हो गे हे। जबकि 32 हजार ले जियादा लोगन मन ह कोरोना ल मात दे दे हे। दूसर नंबर म तमिलनाडु हे, इहां अब तक करीब 26 हजार केस सामने आये हे।
