corona: सरलघा बाढ़त हे कोरोना संक्रमण, देश म बीते 24 घंटा म मिले हे 93215 नवा मरीज, 1140 लोगन मन के हो गे मौत

जय जोहार… देश म कोरोना (corona) संक्रमित मन के संख्या ह कम होय के नाम नई लेवत हे। बीते 24 घंटा म देश म कोरोना के 93215 नवा मामला ह मिले हे। जबकि 1140 लोगन मन के मौत हो गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म कोरोना (corona) संक्रमित मरीज मन के कुल संख्या ह बाढ़ के 48 लाख 46 हजार 689 पहुंच गे हे। जेमा ले 9 लाख 90 हजार 502 एक्टिव मामला हे।

उहचे 37 लाख 79 हजार 927 लोगन मन ह कोरोना (corona) ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 79973 लोगन मन के मौत हो गे हे।