Corona: प्रदेश म बीते 24 घंटा म होय हे कोरोना के 953 नवा मरीज के पहचान, राजधानी म घलो 128 पाजिटिव

जय जोहार…. प्रदेश म बीते 24 घंटा म कोरोना (Corona) के 953 नवा मामला पाय गे हे। उहचे 1034 संक्रमित ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 7 लोगन मन के मौत हो गे हे।

पिछिले 24 घंटा म प्रदेश म (Corona) कोरोना के जेन नवा मरीज के पहचान होय हे। ओमा रायपुर ले 128, दुर्ग ले 84, जांजगीर-चांपा ले 82, रायगढ़ ले 81, राजनांदगांव ले 73, कोरबा ले 55, बिलासपुर ले 52, बालोद ले 48, सरगुजा ले 41, महासमुंद ले 38, कोरिया ले 37, धमतरी ले 32, सूरजपुर ले 30, जशपुर ले 23, बलरामपुर अऊ कबीरधाम ले 22-22 मरीज शामिल हे।

बता देन कि प्रदेश म कोरोना संक्रमित मन के संख्या ह 2 लाख 67 हजार 219 हो गे हे। जेमा ले 16 हजार 558 एक्टिव मामला हे। उहचे 2 लाख 47 हजार 480 लोगन मन ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले प्रदेश म अब तक 3181 लोगन मन के मौत हो गे हे।