Corona: सरलघा बाढ़त हे कोरोना, देश म बीते 24 घंटा म सामने आय हे 96 हजार ले जादा नवा मामला

जय जोहार…. देश म कोरोना (Corona) संक्रमित मन के संख्या ह कम होय के नाम नई लेवत हे। देश म पिछिले 24 घंटा म कोरोना के 96 हजार ले जादा नवा मरीज के पहचान होय हे। जबकि 1174 मरीज मन के मौत हो गे हे।
केंद्रीय स्वास्थ्य मंत्रालय ले जारी आंकड़ा के मुताबिक देश म कोरोना (corona) के कुल मामला हे बाढ़ के 52 लाख ले जादा हो गे हे। जेमा ले 10 लाख 17 हजार 754 एक्टिव मामला हे। उहचे 41 लाख 12 हजार 552 लोगन मन ह कोरोना (Corona) ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 84 हजार ले जादा लोगन मन के जान चले गे हे।