Corona: प्रदेश म आज होय हे कोरोना के 9717 नवा मरीज के पहचान, रायपुर म घलो 509 पाजिटिव
जय जोहार…. प्रदेश म आज कोरोना (Corona) के 9717 नवा मरीज के पहचान होय हे। उहचे 12440 मरीज मन ल बने होय के बाद अस्पताल ले डिस्चार्ज कर दे गे हे। जबकि उपचार के दौरान 199 मरीज के मौत हो गे हे।
कोरोना (Corona) के आज जेन नवा मरीज मिले हे, ओमा रायगढ़ ले 847, कोरिया ले 743, सूरजपुर ले 677, बिलासपुर ले 566, मुंगेली ले 563, जांजगीर-चांपा ले 534, बलरामपुर ले 511, रायपुर ले 509, कोरबा ले 507, जशपुर ले 462, बलौदाबाजार ले 410, सरगुजा ले 406, कबीरधाम ले 324, गौरेला-पेंड्रा-मरवाही ले 284, राजनांदगांव ले 277, महासमुंद ले 270, कांकेर ले 257, धमतरी ले 252, बस्तर ले 228, दुर्ग ले 229, बालोद ले 225, कोंडागांव ले 200, गरियाबंद ले 121, बेमेतरा ले 88, दंतेवाड़ा ले 85, सुकमा ले 50, बीजापुर ले 49, नारायणपुर ले 41 नवा मरीज सामिल हे।
बता देन कि प्रदेश म कोरोना (Corona) संक्रमित मन के संख्या ह 8 लाख 73 हजार 060 हो गे हे। जेमा ले 1 लाख 21 हजार 836 एक्टिव मामला हे। उहचे 7 लाख 40 हजार 283 मरीज मन ह कोरोना ले जंग जीत गे हे, जेखर बाद ओ मन ल अस्पताल ले छुट्टी दे दे गे हे। ए वायरस ले प्रदेश म अब तक 10941 मरीज मन के जान चले गे हे।
