dhamtari जिला म मिलिस कोरोना के 99 नवा मरीज, 94 मरीज ह होइस डिस्चार्ज

जय जोहार…. धमतरी (dhamtari) जिला म कोरोना संक्रमण के मामला कम होय के नाम नई लेवत हे। ए जिला म आज कोरोना के 99 नवा मरीज मिले है। उहचे 94 मरीज मन ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 1 संक्रमित के मौत हो गे हे।

जिला स्वास्थ्य समिति धमतरी (dhamtari) ले जारी आंकड़ा के मुताबिक आज कुरुद ब्लाक ले 34, नगरी ब्लाक अऊ गुजरा ले 22-22, धमतरी शहरी ले 12 अऊ मगरलोड ब्लाक ले 9 मरीज के पहचान होय हे।

बता दन कि धमतरी (dhamtari) जिला म कोरोना संक्रमित मन के संख्या ह बाढ़ के 3041 पहुंच गे हे। जेमा ले 583 एक्टिव मामला हे। वहीं 2410 मरीज मन ल स्वस्थ होय के बाद अस्पताल ले डिस्चार्ज कर दे गे हे। ए वायरस ले जिला म अब तक 48 लोगन मन के मौत हो गे हे।