जय जोहार…. (chhattisgarh) प्रदेश म कोरोना संक्रमित मन के संख्या ह सरलघा बाढ़त जावत हे। प्रदेश म आज कोरोना के रिकार्ड 9921 मरीज मिले हे। उहचे 1552 मरीज ह कोरोना ले जंग जीत गे हे,
जेखर बाद ओ मन ल अस्पताल ले डिस्चार्ज कर दे गे हे। जबकि इलाज के दौरान 53 संक्रमित के जान चले गे हे। (chhattisgarh) आज जेन कोरोना के नवा मरीज मिले हे, ओमा रायपुर ले 2821, दुर्ग ले 1838, राजनांदगांव ले 940, बिलासपुर ले 545, महासमुंद ले 468, कोरबा ले 294, बालोद ले 289, बेमेतरा ले 276, धमतरी ले 274, कबीरधाम ले 267, बलौदाबाजार ले 242, सरगुजा अउ कांकेर ले 210-210, जशपुर ले 209, रायगढ़ ले 189, जांजगीर-चांपा ले 155, सूरजपुर ले 132, मुंगेली ले 113, कोरिया ले 88, बस्तर ले 85, बलरामपुर ले 67, गरियाबंद ले 64, कोंडागांव ले 58, दंतेवाड़ा ले 35, गौरेला-पेंड्रा-मरवाही ले 29, सुकमा ले 12, बीजापुर ले 6, नारायणपुर ले 5 मरीज सामिल हे।
बता देन कि प्रदेश (chhattisgarh) म कोरोना संक्रमण के मामला ह बाढ़ के 3 लाख 86 हजार हो गे हे। जेमा ले 52452 एक्टिव मामला हे। उहचे 3 लाख 29 हजार 408 मरीज मन ल बने होय के बाद अस्पताल ले छुट्टी दे दे गे हे। ए वायरस ले प्रदेश म अब तक 4416 संक्रमित मन के जान चले गे हे।
