corona : भारत म 24 घंटा म मिलिस कोरोना के 9983 नवा मामले, 206 लोगन मन के होइस मौत

जय जोहार…. भारत म कोरोना (corona) संक्रमित मरीज मन के संख्या ह थमे के नाम नई लेवत हे। देश म कोरोना संक्रमित मरीज मन के संख्या ह 2 लाख 56 हजार ले जियादा हो गे हे। पिछले 24 घंटा म कोरोना (corona) के 9983 नवा मामले के पहचान होय हे। जबकि 206 लोगन मन के मौत हो गे हे।

केन्द्रीय स्वास्थ्य मंत्रालय के आंकड़े के अनुसार देश म कुल कोरोना (corona) संक्रमित मरीज मन के संख्या ह 2 लाख 56 हजार 611 हो गे हे। जबकि सक्रिय केस के संख्या ह एक लाख 25 हजार 381 हे। ऊहचे ए महामारी ले एक लाख 24 हजार 95 लोगन मन ह स्वस्थ होके अपन घर लहुट चुके हे। ए बीमारी ले अब तक 6929 लोगन मन के जान चले गे हे।