रायपुर। बीजेपी के राज्यसभा सांसद रामविचार नेताम उपर नामांकन घोषणा पत्र म गलत जानकारी दे के आरोप जनता कांग्रेस ह लगाइस हे। ये मामला म खुलासा करत हुए जोगी कांग्रेस के ये कहिना हे कि उमन ह अपन पत्नी के आमदनी ल लेके भ्रामक जानकारी दे हे। ये खुलासा के बाद राज्यसभा सांसद रामविचार नेताम ह मुश्किल पढ़ सकत हे। जोगी कांग्रेस ह दस्तावेज के जरिये खुलासा करिस कि राज्यसभा सांसद रामविचार नेताम ह राज्यसभा चुनाव म नामांकन पत्र दाखिल करत बखत जे घोषणा पत्र दे हे, ओ मा संपत्ति के विवरण गलत दे गेहे।
ये मामला म जोगी कांग्रेस ह मीडिया ल तमाम दस्तावेज घलोक दे हे। जोगी कांग्रेस के मीडिया संयोजक संजीव अग्रवाल ह आरोप लगाइस हे कि बीजेपी नेता अउ राज्यसभा सांसद रामविचार नेताम ह अपन पत्नी के नाम म दरज करोड़ों के संपत्ति छुपाइस हे। प्रेस कांफ्रेंस म सुब्रत डे अउ भगवानू नायक घलो मौजूद रिहन हे।
पुष्पा नेताम ह अगस्त 2017 म दिस हे इस्तीफा
रामविचार के पत्नी पुष्पा नेताम ह एक अगस्त 2017 के कंपनी के डायरेक्टर पद ले इस्तीफा दे रिहिस हे। … लेकिन रामविचार नेताम ह राज्यसभा बर अपन नामांकन 29 मई 2016 के भरे हे। ..नियम के मुताबिक रामविचार नेताम ल अपन शपथ पत्र म पत्नी के आय के जानकारी देना रिहिस हे। लेकिन शपथ पत्र म एखर जिक्र नइ करे गिस हे। जोगी कांग्रेस ह ये मामला म रामविचार नेताम के सदस्यता रद्द करके के मांग करिस हे।
