रायपुर । सड़क हादसा ल देखत- देखत एक पुलिस अधिकारी लेखक बन गेहे। अधिकारी ह ट्रैफिक नियम मन के प्रति लोगन मन जागरूक करे बर एक किताब लिख डालीस। ताकि लोगन मन ये पुस्तक ल पढ़ के ट्रैफिक नियम मन ल जान के अपन जान ल बचा सकय।
कोंडागांव के ट्रैफिक इंचार्ज भूपेन्द्र गुप्ता के पुस्तक ल मुख्यमंत्री डाक्टर रमन सिंह ह विमोचन करिस हे। भूपेन्द्र गुप्ता ह बताइस कि सड़क हादसा म लोगन मन अपन जान गंवात हे। अउ हमेशा कोनो बड़े घटना होए उपर एखर दोष पुलिस खासकर के ट्रेफिक विभाग के सर म मढ़ देवत हे। भले ही हादसा ट्रैफिक नियम मन के अनदेखी के वजह ले काबर नइ होय हे।
एखर सेतीलोगन ल जागरूक करे बर ट्रैफिक इंचार्ज भूपेन्द्र ह एक पुस्तक लिख डालीस। भूपेन्द्र गुप्ता ह बताइन कि कई अइसे हादसा ले देखे हव जेमा थोड़कीन गलती के सजा पूरा परिवार मन ल भुगतना पड़थे। ये देखत हुए लोगन मन ल जागरूक करे बर पुस्तक लिखे हव। जेमा चित्र मन के जरिए लोगन नम ल ट्रैफिक नियम मन ल समझाए के कोशिश करे गेहे।
