दुर्ग के कांग्रेस सांसद ताम्रध्वज साहू के कद ह बड़िस

रायपुर । दुर्ग के कांग्रेस सांसद ताम्रध्वज साहू ल बड़े जुम्मेदारी देवत हुए अखिल भारतीय कांग्रेस कमेटी के ओबीसी विभाग के अध्यक्ष बनाए गेहे। एती एससी विभाग के अध्यक्ष के रुप म नितिन राउत ल जिम्मेदारी दे गिस हे। जे ह महाराष्ट्र के हे। ताम्रध्वज ह कान्हूचरण लेखा के जगह लिही।
बता दन कि ताम्रध्वज राज्य म कांग्रेस के इकलौता लोकसभा सांसद हे। वर्ष 2014 के लोकसभा चुनाव म जब देशभर म मोदी लहर रिहिस हे, तब ताम्रध्वज ह छत्तीसगढ़ म कांग्रेस के सूपड़ा साफ होए ले बचाइस हे। इहां ये घलो बतादन कि ताम्रध्वज ह वर्ष 2014 के लोकसभा चुनाव म भाजपा के राष्ट्रीय महामंत्री अउ वर्तमान राज्यसभा सांसद सरोज पाण्डेय ल पटखनी दे रिहिस हे।