माओवादी हमला के विपक्षीय दल मन करिन कड़ी निंदा

रायपुर। प्रधानमंत्री नरेन्द्र मोदी के दउरा के ठीक पहिली सोमवार के बीजापुर म होय माओवादी हमला के विपक्षीय दल मन ह कड़ी निंदा करिन हे। बीजापुर म हुए माओवादी हमला म 2 जवान शहीद हो गो। अउ 6 अन्य घायल होइस, जेमा दू झन ल रायपुर लाए गेहे। येला लेके विपक्ष ह सरकार उपर निसाना साधिस हे। विपक्षी मन के कहिना हे कि पीएम के दउरा के पहिली माओवादी हिंसा ले सरकार के सुरक्षा के दावा मन के पोल खुल गिसहे। मामला म प्रदेश कांग्रेस कमेटी के अध्यक्ष भूपेश बघेल ह कहिन कि घटना ले सरकार के दावा मन के की पोल खुल गिस। सरकार के कथनी अउ करनी म जे फरक हे वोह दिखने लगगे।
एती भाजपा विधायक अउ प्रवक्ता श्रीचदं सुंदरानी ह कहिन कि माओवादी अपन उपस्थिति दरज कराए बर ये तरह के घटना ल करत हे। गौरतलब हे कि 14 अप्रैल के प्रधानमंत्री मोदी बीजापुर दउरा म आवत हे। ओखर ठीक पहिली सोमवार के होय माओवादी घटना के सुरक्षा इंतजाम के तमाम दावा मन के पोल खोल दीस हे।