कांग्रेस उपर निशाना साधिस डॉ.रमन ह

रायपुर। जे मन ह गरीबी हटाओ के नारा लगात हुए छत्तीसगढ़ म 50 साल तक राज करिन हे। लेकिन उमन ह ये नइ जान पाइस कि विकास कउन चिड़िया के नाम हे? ये बात कांग्रेस उपर निशाना साधत हुए सीएम रमन सिंह ह सरगुजा जिला के लुंड्रा विकास खंड के बटवाही म कहिन। उमन कहिन कि सरगुजा के जनता ह 2003, 2008 अउ 2013 म बीजेपी के सरकार बनाए हे। 2018 म एक बार फेर बड़ा अवसर आवत हे। मुख्यमंत्री के हैसियत ले मोर ले जे कुछु भी मांगे हव । मैं वो सब मांग मन ल पूरा करे हो, लेकिन मैं एक ठन बात पूछना चाहत हव कि आपमन ह तय करे हव कि कखर सरकार बनाना हे? उमन कहिन कि पीछू बार जेला आपन ये क्षेत्र ले जिताय। वोह का करिस , का नइ करिस, मैं ये बारे म नइ जानना चाहता हव। पर आपमन अइसे विधायक चुनव जे विधानसभा म पहुंच के इहां के बात मन ल रख सकय।
110 करोड़ रुपिया के विकास कार्यों के सौगात
सीएम ह लुंड्रा म 110 करोड़ रुपिया के विकास कार्य मन के सौगात दीस। उमन ह दुधसागर परियोजना के शुभारंभ घलो करिन। सरगुजा के रघुनाथपुर म नवा बस स्टैंड बनाए के घोषना करिन। नगेशिया समाज के बुनियादी मांग मन समेत कतको दूसर मांग मन ल पूरा करे के आस्वासन दिया।
सरकार ह हर झन के करथे चिंता
मुख्यमंत्री ह कहिन कि परदेस म सबो कॉलेज म पढ़इया लइका मन ल आवइया तीन माह के भीतर फोकट म मोबाइल फोन बांटे जाही। पांच माह के भीतर 30 लाख लोगन तक मोबाइल फोन पहुंच जाही। सरकार ह हरके मनखे के चिंता करे हे। वनवासी मन बर पैर म कांटा ना गड़य एखर बर चरन पादुका के बेवस्था करे हे। वनवासी क्षेत्र म रहइया मोरा बेटा अउ बेटी आगू बढ़य एखर बर प्रयास विद्यालय के जरिए कोचिंग के बेवस्था करे हे। सरगुजा क्षेत्र म सुदूर अंचल मन के बच्चा मन अब ना केवल पढ़इ म आगू बढ़त हे, बल्कि मेडिकल, इंजीनियरिंग, आईआईटी जइसे शैक्षणिक संस्थामन म उमन के प्रवेश होवत हे।