छत्तीसगढ़ म आज मनाए जाही स्वच्छ भारत दिवस

रायपुर। राष्ट्रव्यापी ग्राम स्वराज अभियान के तहत छत्तीसगढ़ के सबो दस हजार 971 ग्राम पंचायत के लगभग बीस हजार गांव म बुधवार के स्वच्छ भारत दिवस मनाए जाही। ये अवसर म सबो ग्राम पंचायत म जनभागीदारी ले स्वच्छता के विषय म जनजागरण बर कार्यक्रम आयोजित करे जाही। अइसे ग्राम पंचायत मन , जे ह अब तक खुला म शौचमुक्त (ओडीएफ) घोषित नइ हो पाइस हे , उमन म स्वच्छता बर ग्रामीण मन के सहयोग ले जनआंदोलन चलाए जाही। मुख्यमंत्री डॉ. रमन सिंह ह प्रदेश के सबो पंच-सरपंच मन अउ ग्रामीण मन ले 18 अप्रैल के स्वच्छ भारत दिवस के आयोजन म सक्रिय भागीदारी के अपील करे हे। पंचायत अउ ग्रामीण विकास मंत्री अजय चंद्राकर घलो ये आयोजन मन म पंचायत प्रतिनिधि मन अउ आम जनता ले सहयोग के आव्हान करे हे।