रायपुर। कांग्रेस भवन म आज फेंकेगे एक परचा ले बवाल मचा दिस हे। इही बीच म सोसल मीडिया म वायरल होय परचा ले सबो के नींद उड़ा दीस हे। सोसल मीडिया म ये परचा खूब वायरल होवत हे। ये परचा ल लेके लोगन मन खूब चटकारा लेवत हे। जेमा कांग्रेस प्रदेस अध्यक्छ ले लेके जिला अध्यकक्छ अउ तमाम लोगन के बारे म आपत्तिजनक बात करे गेहे।
ये परचा के उपर म इन नेतामन ल भूपेश के लाल, भाजपा के दलाल बताके संबोधित करे गेहे अउ उंखर चंदा वसूली ले लेके सबो बात मन ल लिखे गेहे। ये परचा म ये घलो लिखे गेहे कि भूपेश मुख्यमंत्री बने के सपना देखत हे अउ कांग्रेस ल बरबाद करत हे। परचा म दावा करे गेहे के पइसा के बदला म पद बेचत हवय। ये परचा कोन बांटिस ये जांच के बिसय हे लेकिन ये परचा मन ले कांग्रेस के अंदरूनी कलह आघू आ गिस हे। अब येला कांग्रेसी नेता मन बीजेपी के करतूत बतावत हे। ये परचा म 16 नेतामन के नाम हे, जेखर पद के संग गंभीर टिप्पणी मन लिखे गेहे हे।
वैइसे ये परचा कोन बंटवाय हो, काबर बंटवाये हे, येखर बारे म जानकारी नइ मिलिस हे, लेकिन कहे ये जात हे के कारयकारिनी म तवज्जो नइ मिले ले नाराज कुछु कांग्रेस के लोगन मन ही ये परचा बंटवाय हे। फिलहाल चुनाइ के पहिली ये कांग्रेस बर अच्छा नइए।
Other Articles
रायपुर, बस्तर समेत छत्तीसगढ़ के दक्छिन भाग म भारी बारिस
माया-जोगी के गठबंधन…कांग्रेस बर बड़ झटका….भाजपा ल फायदा
