युवा मन ल एक बड़ सउगात ….हथियार मन के संग सरेंडर करइया नक्सली मन ल मिलही रासि

रायपुर। राजधानी म गुरूवार के रमन मंत्रिमंडल के अहम बइठक होइस। ये बइठक म कई अहम फइसल मन म मुहर लगाय गिस हे। रमन मंत्रिमंडल के बइठक म युवामन ल एक बड़ सउगात दे गेहे। पुलिस के अलग-अलग पद मन म होवइया वैकेंसी के आयु सीमा म 3 साल के छूट दे गेहे। फइसला के मुताबिक सुबेदार, उप निरीक्षक, प्लाटून कमांडर के पद म नियुक्ति बर निरधारित अधिकतम आयु सीमा ल सिथिल करत हुए चयन परीक्षा बछर 2018 बर आयु सीमा म 3 बछर के छूट दे गिस हे। ये पद मन नियुक्ति म अनुसूचित जनजाति वरग के पुरुष आवेदक मन बर न्यूनतम ऊंचाई 163 सेमी अउ सीना बिना फुलाय 78 सेमी अउ फुलाके 83 सेमी निरधारित करे के निरनय लेय गिस हे।
नक्सल पीड़ित व्यक्तिय मन अउ आत्मसमरपित नक्सली मन ल सउगात
राज्य शासन ह 16 नवम्बर 2015 के जारी आदेस म नक्सल पीड़ित व्यक्ती मन अउ आत्मसमरपित नक्सली मन के पुनरवास बर प्रावधान करे हे , जेमा एक प्रावधान ये घलो हे के आत्मसमरपित नक्सली मन यदि सस्त्र मन के संग समरपन करही त ओला समरपित सस्त्र मन के बदला म मुआवजा के रूप म सासन ह अनुग्रह रासि स्वीकृत कर ही। हथियार मन के संग आत्मसमरपन करइया नक्सली ल अलग-अलग स्तर मन मर अनुग्रह रासि देय के पूरव के प्रावधान मन सामिल हथियार मन के अलावा सस्त्र मन बर अनुग्रह रासि तय के गेहे। हथियार मन के संग आत्मसमरपन करइया नक्सली मन बर अनुग्रह रासि बढ़ाई गेहे।