12 वीं पढ़इया छात्र ल अगवा करिस नक्सली मन ह …..बहन ह करिस छोड़े के अपील

छत्तीसगढ़। सुकमा जिला के भेज्जी इलाका म नक्सली मन ह 12 वीं कक्छा म पढ़इया छात्र पोडियम मुकेश के मंगलवार के संझा इंजरम ले भेज्जी जात वक़्त अगवा कर लिस हे । मुकेस के अब तक कोनो सुराग़ नइ मिलत हे।
बताय जात हे के मंगलवार के संझा इंजरम अउ भेज्जी के बीच पीडीएस के रासन भेजे गे रहिस हे। उहें रासन से लदे वाहन मन ल नक्सली मन ह जलाय के प्रयास करत रहिन हे। ये दउरान मोटरसाइकिल ले भेज्जी जावत छात्र ल नक्सली मन ह रोक लिस अउ छात्र ल मोटर साइकिल समेत नक्सली जंगल म ले गिस जेला अब तक नइ छोड़े गिस हे। येती अगवा छात्र के बहन ह नक्सली मन ले मुकेस के रिहाई के अपील करिन हे।