सरकार के खेलाफ नारेबाजी करिन महिला कांग्रेस कारयकरता मन …..पुलिस के संग झूमा झटकी घलो

रायपुर। पेट्रोल-डीजल के कीमत म लगातार होत बढ़ोतरी ल लेके आज महिला कांग्रेस ह जमके प्रदरसन करिन। उहें राज्यपाल ल ज्ञापन देय बर जात महिला कांग्रेस कारयकरता मन ल मोतीबाग के आघू बेरीकेट्स लगाके रोक देय गिस। ये दउरान महिला मन ह जमके सरकार के खेलाफ नारेबाजी करिन। अउ पुलिस के संग झूमा झटकी घलो करिन।
महंगाई ल लेके छत्तीसगढ़ प्रदेस महिला कांग्रेस ह सरकार के खेलाफ प्रदरसन करिस। आज महारइली घलो निकालिस। रइली निकाले के पहिली महिला कांग्रेस ह गांधी मैदान पुराना कांग्रेस भवन म सभा करिन, जेमा महिला कांग्रेस के राष्ट्रीय अध्यक्छ सुष्मिता देव , फूलोदेवी नेताम समेत कांग्रेस के कतको बड़ नेता सामिल होइन। जेमा महिला कांग्रेस की राष्ट्रीय अध्यक्छ सुष्मिता देव, चंदन यादव, सांसद छाया वर्मा, ताम्रध्वज साहू समेत सबो वरिस्ठ नेता सामिल होइन।