शराबी प्राचार्य ह साला अउ ओखर बेटा उपर करिन प्राणघातक हमला

बालोद। बालोद थाना अंतरगत ग्राम घुमका म बीती रात म प्राचार्य ह अपन सगे साला अउ ओखर बेटे उपर धारदार हथियार ले हमला कर दिस, जेमा दूनों झन बुरी तरह ले घायल हो गिस हे। घायल मन ल तुरंत जिला अस्पताल म उपचार बर लाय गिस। घायल मन के स्थिति गंभीर होय के वजह ले आज बहिनिया 6 बजे उमन ल बाहर रिफर कर देय गिस। पुलिस मामला के जांच म जुटे हे।
जानकारी के मुताबिक बालोद थाना क्षेत्र के घुमका म बीती रात करीबन 2 बजे आमापारा स्कूल बालोद म पदस्थ प्राचार्य शीतल राम पद्माकर ह नशा के हालत म अपन सगे साला केवल राम गोड़ (55वर्ष) अउ ओखर बेटा हिमांशु गोड़ (8 वर्ष) उपर तेजधार हथियार ले हमला कर दिस। हमला ले दूनो के सिर म गहरी चोट आइस हे। तत्काल उमन ल गांव वालों के मदद ले रात म ही जिला अस्पताल बालोद उपचार के लिए लाय गिस। हमला करइया प्राचार्य नशा म अतना धुत रहिस हे के घर के छत ले नीचे के ओर गिर गिस अउ ओखर पइर मन म मोच आ गिस अउ बेहोस होके उही मेर गिर गिस। बिहनिया ग्रामीन मन ओला घेर लिस अउ बालोद पुलिस ल येखर सूचना दीस। ये घटना ले क्षेत्र म सनसनी मचा कर रख देय हे अउ पुलिस घलो जांच म जुट गिस हे।