एक मेमने के प्रति अइसे करुणा अउ नि: स्वारथ प्रेम के तस्वीर हमन ल विस्व पसु कल्यान दिवस के देवत हे संदेश

रायपुर। सीएम रमन सिंह ह एक अइसे तस्वीर ट्वीट करिस हे, जे अपनत्व के भावना जगा देथे। चाहे इंसान होय या जानवर, जिंदगी हर कोनो के महत्वपूरन होथे, जेखर कीमत हर कउनो ल समझना चाही। दरअसल विस्व पशु कल्यान दिवस के मउवका म रमन सिंह ह ये तस्वीर साझा करिस हे, येमा एक लइका ह मेमने ल मया म पकड़े हवय। उमन ये लइका संग ओ मेमने के लगाव ल देखत हुये अपन भावना मन ल ये पंक्ति मन ले व्यक्त करिन।
उमन ह लिस हे के कदम भले ही थक गेहे खेलते हुये ये धूप म, मगर थामे हुये अपन दोस्त के हाथ नइ थकय। संगे संगही एक मेमने के प्रति ऐसी करुना अउ नि :स्वारथ प्रेम के तस्वीर हम सबो ल लिखत हुए उमन तस्वीर साझा करिन।
4 अक्टूबर के हमन विस्व पसु कल्यान दिवस मनाथन, ये एक अंतरराष्ट्रीय दिवस हे। विश्व पशु कल्याण दिवस के मूल उद्देस्य पसु कल्यान मानक मन म सुधार करना, व्यक्ति मन के समूह अउ संगठन मन के समरथन प्राप्त करना अउ जानवर मन के प्रति मोह प्रकट करना हे, ताकि उंखर जीवन सक्षम अउ बेहतर हो सकय।