साधना मूणत ने घर-घर जाके जनता ले समरथनअउ वोट मांगिस

रायपुर। पश्चिम विधानसभा क्षेत्र म चुनाव के तारीख नजदीक आवत ही प्रचार ह जोर पकड़ लिस हे अउ प्रत्यासी के संग परिवार के सदस्य घलो चुनाव क्षेत्र के गली चौराहा म घर घर जाके वोट देये के अपील करत हे । रायपुर पश्चिम क्षेत्र के टाटीबंध व कोटा म राजेश मूणत के धर्मपत्नी श्रीमती साधना मूणत गुरूवार के जनसम्पर्क करिन। अउ घर-घर जाके जनता ले समरथन व वोट मांगिस। श्रीमती मूणत के संग बड़ संख्या म भाजपा महिला मोरचा के कारयकरता मन घलो रहिन हे जेमन ह क्षेत्र म होय निरमना कार्य मन अउ उपलब्धि मन ल बता रहिस हे अउ सतत विकास बर फेर एक बार भाजपा ल जितानय बर राजेश मूणत ल वोट देय के अपील करत रहिन हे। क्षेत्र के जननायक राजेश मूणत के श्रीमती ल अपन घर आंगन म पाके महिला मन ह उमन ल विकास कार्य बर आभार व्यक्त करत हुये कहिन के बीते बछर म जतना कार्य होस हे वो पहिली कभु नइ होॉस हे। हमन अउ बेहतर सुंदर काम चाहत हन येखर सेती अपन के साथ हन।