रायपुर, बिलासपुर, भिलाई समेत  6 सहर मन म  पटाखा फोड़े म पाबंदी…नवा साल अउ क्रिसमस म 35 मिनिट के छूट….

रायपुर। ठंड के मउसम ल देखत हुए प्रदूसन बेभाग  ह छत्तीसगढ़ के 6 बड़  सहर मन म पटाखा फोड़े जाए म रोक लगा दीस हे। यए निरनय ठंड म वायु प्रदूसन के निर्धारित मापदण्ड मन के अनुरूप बनाए रखे बर लेय गिस हे। हालांकि ए बैन के बीच नवा साल अउ क्रिसमस म रात के 11 बजके 55 मिनट लेके रात  के साढ़े बारह बजे तक पटाखा फोड़े के छूट देय गिस हे।

फिलहाल जारी आदेस म  जे सहर मन  ल सामिल करे गिस हे ओमा रायपुर, बिलासपुर, भिलाई, दुर्ग, रायगढ़ अउ कोरबा सामिल हे। आदेस के मुताबिक एक दिसंबर ले 31 जनवरी तक कोनो प्रकार के पटाखा फोड़े जाए म इहां बैन होही। ए आदेस वायु प्रदूषण अधिनियम, 1981 के अंतर्गत वायु प्रदूषण नियंत्रम म  रखे बर  लिय गिस हे।