छत्तीसगढ़ म एक बार फेर कमल खिलही …अउ चउथी बार सरकार : रमन

तेलंगाना के भद्राचलम, येलेडी अउ खैरताबाद म चुनावी सभा मन ल संबोधित करिन

रायपुर। छत्तीसगढ़ के मुखिया मुख्यमंत्री रमन सिंह विधानसभा चुनाव के प्रचार प्रसार बर तेलंगाना पहुंचिस, जिहां उमन  तीन चुनावी सभा ल संबोधित करत हुए कहिन के छत्तीसगढ़ म चउथी बार भाजपा के सरकार बनत हे अउ एक बार फेर कमल खिलही।  उमन कहिन के मोला ए बात के सउभाग्य मिलिस के  पाछू के 15  बछर ले  छत्तीसगढ़ म मुख्यमंत्री के हैसियत ले काम करक हव।

उमन कहिन के छत्तीसगढ़ के निरमान 2000 म होइस हे अउ 2014 म तेलंगाना के निरमान होय के बात कहिन। उमन कहिन के  छत्तीसगढ़ म चुनाव सांति पूर्ण तरीका ले चुनाव सम्पन्न होइस हे।  एखर सेती प्रदेस म चउथी बार कमल खिलत हे अउ  सरकार बनत हे।

बता दन के मुख्यमंत्री डॉ रमन तेलंगाना म बीजेपी प्रत्याशी मन बर  तीन आम सभा मन ल संबोधित कररिन हे। ए भद्राचलम, येलेडी अउ खैरताबाद म चुनावी सभा मन ल संबोधित करिन। सीएम चुनाव प्रचार खत्म करके रात करीब 9 बजे छत्तीसगढ़ लउट  आइस।